ABŞ və İsrailin İrana qarşı davam edən müharibəsi fonunda, Birləşmiş Ştatlar prezidenti Donald Tramp, bu addımı Vaşinqtonun Venesueladakı hərəkətləri ilə müqayisə edərək, "İslam Respublikasının neftini (öz nəzarətinə götürməyi - Red.) üstün tutacağını" bildirib.
Oxuməni.az xəbər verir ki, Ağ Evin rəhbəri bu barədə martın 29-da "Financial Times" qəzetinə verdiyi müsahibədə danışıb. Nəşrin saytında bu müsahibə bazar ertəsi, martın 30-da dərc olunub.
Xatırladaq ki, yanvar ayında ABŞ Venesuelanın lideri Nikolas Maduronu ələ keçirmiş və ölkənin neft sənayesinə "qeyri-müəyyən müddətə" nəzarət etməyi planlaşdırır.
"Düzünü desəm, ən çox istədiyim şey İranda nefti ələ keçirməkdir, lakin ABŞ-dakı bəzi axmaq insanlar deyirlər: "Niyə bunu edirsən?" Amma onlar axmaq insanlardır", - "Financial Times" Donald Trampdan sitat gətirir.
"Bu cür addım (ABŞ-ın İranın neft sənayesinə nəzarət etməsi - Red.) İran neftinin böyük hissəsinin ixrac edildiyi Xark adasının ələ keçirilməsini nəzərdə tutardı", - nəşrdə qeyd olunur.
Almaz Həsənli
