BAKI, 30 mart. TELEQRAF
ABŞ-nin Venesueladakı səfirliyi yenidən açıldı.
Teleqraf xəbər verir ki, bu barədə "Bloomberg" Dövlət Departamentinin memorandumuna istinadən məlumat yayıb.
Dövlət Departamentinin sözçüsü Tommi Piqott verdiyi açıqlamada bildirib ki, Karakasda ABŞ səfirliyinin fəaliyyətinin bərpası Prezident Donald Trampın Venesuela üçün üç mərhələli planının həyata keçirilməsində əsas addımdır.
Qeyd edək ki, ABŞ-nin Venesueladakı səfirliyi 2019-cu ilin mart ayında Amerika diplomatik missiyasının Boqotaya köçürülməsi zamanı bağlanmışdı.
