Şəmkirdə qətl hadisəsi baş verib.
Senzor.az bildirir ki, hadisə rayonun Qaracəmirli kəndində qeydə alınıb.
Kənd sakini 33 yaşlı Anar Allahverdiyev küt alətlə 66 yaşlı anası Çiçək Sərdarovanı qətlə yetirib. O, daha sonra üzərinə sürtkü yağı tökərək özünü yandırıb. Onun öldüyü bildirilir.
Hadisə yerinə polis və prokurorluq orqanlarının əməkdaşları cəlb edilib.
Qətlə yetirilən Çiçək Sərdarova Qaracəmirli kənd orta məktəbində Azərbaycan dili və ədəbiyyatı müəlliməsi olub. Ötən il yaşı ilə bağlı əmək pensiyasına çıxıb.
Qətli törədən 33 yaşlı Anar Allahverdiyev isə Azərbaycan Texnologiya Universitetinin məzunu olub. Onun ruhi-əsəb xəstəsi olduğu bildirilir.
Hadisə ilə bağlı Şəmkir Rayon Prokurorluğunda araşdırma aparılır.
