"Hizbullah"la toqquşmalar zamanı 4 İsrail hərbçi həlak olub, bir neçəsi yaralanıb...
Poliqon xəbər verir ki, İsrail mediasının yaydığı məlumata görə, Cənubi Livan ərazisində baş verən döyüş əməliyyatları zamanı İsrail ordusunun dörd hərbçisi həlak olub. Hadisə bölgədə davam edən gərginlik fonunda qeydə alınıb və itkilərin səbəbi kimi intensiv silahlı qarşıdurmalar göstərilir.
Məlumata əsasən, daha bir hərbçi ağır yaralanıb və vəziyyəti kritik qiymətləndirilir. Bundan əlavə, biri müddətli həqiqi hərbi xidmət keçən əsgər, digəri isə ehtiyatda olan hərbçi olmaqla iki nəfər orta ağır xəsarətlər alıb. Yaralılar dərhal yaxınlıqdakı tibb müəssisələrinə çatdırılıb və onlara tibbi yardım göstərilir.
Hazırda bölgədə əməliyyatların davam etdiyi, təhlükəsizlik vəziyyətinin isə gərgin olaraq qaldığı bildirilir. İsrail tərəfi hadisə ilə bağlı əlavə məlumat verməyib, lakin hərbi mənbələr qarşıdurmaların genişlənə biləcəyi ehtimalını istisna etmir.
Poliqon.info
