BAKI, 31 mart. TELEQRAF
İspaniyanın “Atletiko Madrid” klubu Almaniya təmsilçisi “Borussiya Dortmund”un futbolçusu Valdemar Antonu hədəfə alıb.
Teleqraf xəbər verir ki, Madrid təmsilçisi 29 yaşlı müdafiəçini yayda heyətinə qatmaq niyyətindədir.
Baş məşqçi Dieqo Simeonenin də bu transferdə maraqlı olduğu bildirilir. Almaniya klubu isə futbolçunu komandada saxlamağa çalışır.
Bununla yanaşı, Antonla “Mançester Yunayted” də yaxından maraqlanır.
Qeyd edək ki, cari mövsüm Valdemar Anton 37 oyunda meydana çıxıb, 3 qol vurub.
