İran torpağına ayaq basan istənilən təcavüzkarın ayağını kəsəcəyik.
İnterpress.az xəbər verir ki, bu barədə iran mətbuatı məlumat yayıb.
“Xatəm-əl-Ənbiya” qərargahının mətbuat katibi İranın sərhədlərini pozmağa cəhd edəcək hər kəsə qarşı sərt xəbərdarlıq edib.
O bildirib ki, İran torpağına ayaq basan istənilən təcavüzkarın “ayağı kəsiləcək”.
Mətbuat katibi, həmçinin ABŞ və İsrailin Hörmüz boğazına nəzarət etmək arzularına da toxunaraq, bu xəyalın heç vaxt gerçəkləşməyəcəyini vurğulayıb:
“Onlar bu arzunu özləri ilə məzara aparacaqlar. Məğlub olmuş düşmənlər – ABŞ və sionist rejimi – bilməlidirlər ki, İran xalqı və onun silahlı qüvvələri torpaqlarına ayaq basan hər hansı bir təcavüzkarı rüsvay edib məğlubiyyətə uğradacağını sübut edib”.
Xuraman Etibarlı
İnterpress.az
