Bakivaxti portalından əldə olunan məlumata əsasən, ain.az xəbər verir.
İrandakı müharibə regional qeyri-sabitliyi dərinləşdirdikcə və Ermənistanda keçiriləcək parlament seçkiləri Azərbaycanla sülh prosesinin gələcəyini sınadıqca Cənubi Qafqaz yenidən siyasi-təhlükəsizlik gərginliyi ilə üzləşəcək.
Bakıvaxtı.az xəbər verir ki, bu barədə ABŞ-nin “Stratfor” analitik mərkəzinin təhlilində deyilir.
Bildirilir ki, İranla müharibənin yaratdığı regional qeyri-sabitlik Azərbaycanı təhlükəsizlik baxımından yüksək səviyyədə ayıq-sayıq qalmağa məcbur edəcək:
“Müharibədə iştirakı ehtimalı az olsa da, Bakı sərhəddəki mövcudluğunu gücləndirməyə və əsas enerji infrastrukturunun qorunmasını təmin etməyə davam edəcək. Həmçinin enerji qiymətlərinin artması ixrac gəlirlərini artıracaq. İrəvan alternativ quru təchizatı yolları axtardığı üçün daha yüksək qiymətlər Ermənistanla yanacaq ticarətini də stimullaşdıracaq.
Ermənistanın qütbləşmiş seçiciləri iyunun 7-də seçkilərə gedəcəklər. Seçkilərin nəticələri Azərbaycanla sülh prosesinin davam edib-etmədiyini müəyyən edə bilər. Baş nazir Nikol Paşinyanın yenidən seçilməsi onun Azərbaycanla əməkdaşlıq etmək və Avropa İttifaqı ilə əlaqələri dərinləşdirmək səlahiyyətini gücləndirəcək”.
“Stratfor”un fikrincə, Ermənistan müxalifəti seçkilərdə uğur qazanarsa, sülh prosesi pozula bilər.
“Rusiya da öz növbəsində Ermənistandakı seçki gərginliyindən istifadə etmək üçün etirazları qızışdırmaq və səsvermə zamanı və dərhal sonra siyasi qeyri-sabitliyi artırmaq kimi hibrid vasitələrdən istifadə edə bilər”./Teleqraf
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
