İngiltərə və Yaponiya milliləri arasında keçirilən yoldaşlıq görüşü başa çatıb.
90deqiqe.Az xəbər verir ki, görüşdə 1:0 hesablı qələbəni Yaponiya yığması qazanıb. Qarşılaşma London şəhərində yerləşən “Uembli” stadionunda baş tutub. Oyunun baş hakimi Şotlandiyadan olan Nik Uolş olub.
Matçdakı yeganə qolu 23-cü dəqiqədə Kaoru Mitoma vurub.
2026-cı il dünya çempionatında İngiltərə millisi L qrupunda Xorvatiya, Qana və Panama ilə qarşılaşacaq. Yaponiya yığması isə qrup mərhələsində Niderland, Tunis və hələ müəyyənləşməyən digər komanda ilə üz-üzə gələcək.
Qeyd edək ki, 2026-cı il dünya çempionatı ABŞ, Kanada və Meksikada keçiriləcək. Hazırkı dünya çempionu Argentina millisidir.
