Rusiya İqtisadi İnkişaf Nazirliyi turist qrupları üçün vizasız səyahət rejimi üçün Hindistanla danışıqların aparıldığını təsdiqləyib. Planlaşdırılan tənzimləməyə əsasən, 3 nəfərdən 50 nəfərə qədər qruplar 21 günə qədər vizasız səyahət edə biləcəklər.
Hafta.az yazır ki, hazırda Rusiya vətəndaşları Hindistana 30 günlük pulsuz elektron viza ilə daxil ola bilərlər. Lakin Rusiya Turizm Sənayesi Assosiasiyası vizasız rejim tətbiq olunarsa, tələbatın məhdud qalacağını proqnozlaşdırır.
Çinlə vizasız müqavilənin Rusiyadan əhəmiyyətli dərəcədə turist axını yaratmadığını xatırladan ekspertlər oxşar ssenarinin Hindistana da tətbiq oluna biləcəyini vurğulayıblar.
China Travel-in operatoru xəbərdarlıq edib ki, bu tədbir yalnız aviabiletləri artıra bilər.
Rusiya eyni zamanda Vyetnamla vizasız qrup səyahət müqaviləsi üçün danışıqlar aparır.
