“Azərbaycanda 500 manatdan yuxarı nağd ödənişlərə məhdudiyyət tətbiq oluna bilər”

Azərbaycanda nağd ödənişlərlə bağlı yeni məhdudiyyətlərin tətbiqi məsələsinin müzakirə olunduğu bildirilir.
Məlumata görə, aidiyyəti qurumlar tərəfindən 500 manatdan yuxarı nağd ödənişlərə müəyyən limitlərin qoyulması ilə bağlı təkliflər irəli sürülüb.
Müzakirə edilən variantlara əsasən:
500 manatdan yuxarı nağd ödənişlərə nəzarətin gücləndirilməsi
Qaydaların pozulması halında inzibati məsuliyyət tədbirlərinin tətbiqi
Nağdsız ödənişlərin stimullaşdırılması istiqamətində əlavə addımlar
Mənbələr qeyd edir ki, bu təşəbbüslərin əsas məqsədi kölgə iqtisadiyyatının azaldılması və maliyyə şəffaflığının artırılmasıdır.
Hazırda azreform.info redaksiyası məsələ ilə bağlı rəsmi qurumların mətbuat xidmətləri ilə əlaqə saxlamağa çalışır. Rəsmi təsdiq və ya təkzib hələlik verilməyib.