Ermənistanın Baş naziri Nikol Paşinyan Moskvaya planlaşdırılan səfəri ərəfəsində "Facebook" hesabında maraqlı videoçarx paylaşıb.
Musavat.com xəbər verir ki, hökumət başçısı sözügedən videonu "Dinləmə deyil, 18+3+3" başlığı ilə təqdim edib.
Görüntülərdə Paşinyanın erməni dilində telefonla danışdığı əks olunub. Baş nazirin söhbət zamanı işlətdiyi ifadələr isə geniş müzakirələrə səbəb olub:
"Xeyr, qardaş, düzünü desəm, o üç nəfəri sənə verə bilmərəm, çünki onları xalqa verməyə qərar vermişəm. O biri üç nəfəri? Düzünü desəm, onları da xalqa verməyi qərara aldım. Qalan 18 nəfəri də, açığı, xalqa verməyə qərar verdim. Əslində, artıq veriliblər, əllərində yollayış vərəqələri ilə gedirlər. Yaxşı, dostum, yaxşı", — deyə o bildirib.
Müşahidəçilər Paşinyanın bu sirli mesajının konkret olaraq kimlərə və ya hansı hadisələrə işarə etdiyini anlamağa çalışırlar.
Musavat.com
