ABŞ-nin "Goldman Sachs" bankının Parisdəki Baş qərargahı İranla əlaqəli qruplaşmadan gələn təhdidlərdən sonra aprelin 1-dən 2-nə keçən gecə polisin gücləndirilmiş nəzarətinə götürülüb.
"Far.Az" xəbər verir ki, bu barədə BFMTV məlumat yayıb.
Bu qərar ABŞ hakimiyyətinin öz London nümayəndəliyini Parisdəki "Goldman Sachs" binalarına partlayıcı qurğulardan istifadə etməklə mümkün hücum təhlükəsi barədə xəbərdar etməsindən sonra qəbul edilib.
Nəticədə Fransa paytaxtında polisin iştirakı operativ şəkildə gücləndirilib.
Bununla belə, BFMTV-nin mənbəsinin məlumatına görə, hazırda heç bir şübhəli əşya və ya hücuma hazırlıq sübutu aşkar edilməyib.
"Goldman Sachs" dünyanın onlarla ölkəsində nümayəndəlikləri olan ən böyük qlobal investisiya banklarından biridir. Paris ofisi şirkətin Avropa şəbəkəsində, xüsusən də Böyük Britaniyanın Avropa İttifaqından çıxması ilə əlaqədar əməliyyatların yenidən bölüşdürülməsindən sonra mühüm yer tutur.
