Müasir döyüş meydanlarında dron təhlükəsinin artması ABŞ Silahlı Qüvvələrini taktiki dəyişikliklərə məcbur edir.
Musavat.com xəbər verir ki, Fox News-un yaydığı məlumata görə, ABŞ ordusu pilotsuz uçuş aparatlarının (PUA) yarada biləcəyi təhdidlərə qarşı yeraltı tunellərdə təlimlərə başlayıb.
Fort-Hud hərbi bazasında keçirilən təlimlərdə 300-ə yaxın hərbi qulluqçu iştirak edir. Hərbçilər yeraltı şəraitdə döyüş aparmaqla yanaşı, kütləvi yaralanmalar zamanı tibbi yardımın göstərilməsi və təxliyə əməliyyatlarını sınaqdan keçirirlər.
Mütəxəssislər bildirirlər ki, yerüstü hədəflərin dronlar üçün asan hədəfə çevrilməsi ordunu daha təhlükəsiz və qapalı məkanlarda manevr etmək imkanlarını genişləndirməyə sövq edir.
Musavat.com
