Kreml: Hörmüz boğazı Rusiya üçün açıqdır » AzadMedia.az

Kremlin nümayəndəsi, Rusiya prezidentinin köməkçisi Yuri Uşakov bildirib ki, Hörmüz boğazı Rusiya üçün açıq olaraq qalır.

Onun sözlərini TASS agentliyi yayıb.

“Bizim üçün Hörmüz açıqdır”, – deyə Uşakov “Vesti”yə müsahibəsində vurğulayıb.

Prezident köməkçisi həmçinin qeyd edib ki, ABŞ hələlik Yaxın Şərqdə gərginliyin tənzimlənməsi üçün Rusiya tərəfinin vasitəçiliyi ilə bağlı Moskvaya müraciət etməyib.

“Bu məsələ ilə bağlı bizə heç kim müraciət etməyib. Amerikalılar tərəfindən nəzərdə tuturam”, – deyə Kremlin nümayəndəsi bildirib.

Onun sözlərinə görə, İran ətrafında vəziyyət Yaxın Şərqdə artan gərginlik fonunda hələ də ağır olaraq qalır.

ABŞ-ın regiondakı mümkün addımları barədə danışan Uşakov, Donald Trump tərəfindən səsləndirilən iki-üç həftəlik müddəti xatırladıb.

“Görəcəyik”, – deyə o əlavə edib.

Kreml rəsmisi sonda vurğulayıb ki, ümumilikdə regiondakı vəziyyət mürəkkəb və gərgin olaraq qalır.