İran dövlət televiziyası Tehranın Körfəzdəki Amerika sənaye və hərbi obyektlərini, eləcə də İsrail obyektlərini hədəf alan bir sıra hücumlar təşkil etdiyini iddia edib.
Bakıvaxtı.az xəbər verir ki, İranda yeni İsrail-Amerika partlayışları baş verib. Tehran yaxınlığındakı körpüyə iki dəfə zərbə endirilib və ölkənin iki əsas polad zavodu hücumlar səbəbindən fəaliyyətini dayandırdıqlarını açıqlayıb.
Dövlət televiziyası Mərkəzi Hərbi Komandanlığın sözçüsü İbrahim Zülfəqariyə istinadən bildirib ki, İran polad sənayesinə edilən hücumlara cavab olaraq İnqilab Keşikçiləri yeni hücum dalğasına başlayıb. Belə ki, Əbu-Dabidə yerləşən Amerika polad sənayesi, Bəhreyndə yerləşən Amerika alüminium sənayesi və sionist İsrail rejiminin “Rafael” silah fabrikləri hədəflər arasında olub.
Bundan əlavə, “Tasnim” agentliyi İslam Respublikasının ideoloji ordusu olan İnqilab Keşikçiləri Dəniz Qüvvələrinin komandanlığına istinadən iddia edib ki, Dubaydakı “Oracle” və Bəhreyndə “Amazon” kimi Amerika şirkətlərinin məlumat mərkəzləri də hədəfə alınıb.
Dövlət televiziyasının məlumatına görə, İran qüvvələri həmçinin İsraildəki hava bazalarını, o cümlədən Tel Nof və Palmahimdəki bazaları, eləcə də bir neçə Körfəz ölkəsindəki hərbi qüvvələrin toplanma mərkəzlərini və ABŞ hərbi bazalarını hədəfə alıb.
Aydın Baxış
