“Mançester Yunayted”in yarımmüdafiəçisi Bruno Fernandes İngiltərə Premyer Liqasında mart ayının ən yaxşı futbolçusu seçilib.
İdmanxeber.az-ın məlumatına görə, portuqaliyalı oyunçu martda keçirdiyi 4 oyunda 2 qol vurub, 4 məhsuldar ötürmə edib. O, ümumilikdə mövsümdə 28 matçda 8 qol və 16 assistlə yadda qalıb.
Qeyd edək ki, bu mükafat uğrunda Ceyms Qarner, Denni Uelbek, Morqan Gibbs-Uayt, Entoni Qordon, Aleks Ayuobi və David Raya da mübarizə aparırdı.
