Amerika Birləşmiş Ştatlarının İranla müharibə apardığı bir vaxtda ordunun Quru Qoşunlarının Qərargah rəisi, general Rendi Corc və digər iki general istefa verib.
Publika.az xəbər verir ki, bu barədə Baku TV-nin videomaterialında bildirilib.
Digər tərəfdən, bir neçə gün əvvəl Prezident Donald Tramp Pem Bondinin Amerika Birləşmiş Ştatlarının baş prokuroru vəzifəsindən istefa verdiyini elan edib. Daha əvvəl isə ABŞ-nin Terrorçuluqla Mübarizə üzrə Milli Mərkəzinin direktoru ölkəsinin İrana qarşı hücumlarına etiraz olaraq istefa vermişdi.
Bununla da proses bitmir. "The Atlantic" jurnalının məlumatına görə, Federal Təhqiqat Bürosunun (FTB) direktoru Kaş Patel, ordunun katibi Daniel Driskol və əmək naziri Lori Çavez-Deremerin də Tramp administrasiyasından getməsi ilə bağlı müzakirələr aparılır.
