AZ
Mövzular
Mədəniyyət
04.04.2026 ◦ 16:53

Opera və Balet Teatrı işdən çıxarılmış xalq artisti Əvəz Abdullayevin ittihamlarına cavab verib

Opera
Opera və Balet Teatrı işdən çıxarılmış xalq artisti Əvəz Abdullayevin ittihamlarına cavab verib. Azərbaycan Dövlət Akademik Opera və Balet Teatrından xalq artisti Əvəz Abdullayevin işdən çıxarılması ilə bağlı yaranmış münaqişəli vəziyyət haqqında 1news.az-a açıqlama verilib.
“Azərbaycan Dövlət Akademik Opera və Balet Teatrının solisti, Azərbaycan Respublikasının xalq artisti Əvəz Abdullayev ilə bağlanmış əmək müqaviləsinin müddəti başa çatıb və bu səbəbdən müqavilə Azərbaycan Respublikasının əmək qanunvericiliyinə uyğun olaraq xitam verilib”, — deyə teatrın mətbuat xidmətinin məlumatında bildirilir. Həmçinin qeyd olunur ki, “sənətçinin xaricdə daimi yaşaması ilə əlaqədar onun teatr truppasındakı fəaliyyəti müntəzəm və ştat xarakteri daşımayıb”: “Beynəlxalq teatr təcrübəsinə uyğun olaraq, ştatda olmayan solistlərin səhnə fəaliyyətinə cəlb edilməsi əmək müqaviləsi çərçivəsində deyil, ayrıca razılaşmalar əsasında həyata keçirilir. Bu yanaşma yaradıcılıq prosesinin çevik təşkilinə, həmçinin peşəkar əməkdaşlığın səmərəli inkişafına yönəlib”. Xatırladaq ki, daha əvvəl Əvəz Abdullayev sosial şəbəkədə etdiyi açıqlamada teatrın direktoru — Azərbaycan Respublikasının xalq artisti Yusif Eyvazov tərəfindən işdən çıxarıldığını bildirmiş, onu yalan danışmaqda və teatr əməkdaşlarına təzyiq göstərməkdə ittiham etmişdi.

Feliks Vişnevetski

Seçilən
28
4
1news.az

10Mənbələr