“Kızılcık şerbeti”nin 131-ci bölümü müzakirə yaradıb.
Musavat.com xəbər verir ki, bölümdə səsləndirilən bir dialoq qısa müddətdə sosial medianın əsas mövzusuna çevrilib.
Baş rollarda Evrim Alasya, Barış Kılıç, Ahmet Mümtaz Taylan və Ceren Yalazoğlu Karakoçun yer aldığı serialda “Kıvılcım” obrazının (Evrim Alasya) süfrə arxasında dediyi sözlər xüsusi diqqət çəkib:
“Bu torpaqlarda inanan və ya inanmayan heç kim evində donuz əti bişirməz, qonağa da təqdim etməz”.
Bu replika final edən “Aynı Yağmur Altında” serialındakı mübahisəli donuz əti səhnəsinə cavab kimi qiymətləndirilib. Həmin serialın ikinci bölümündə Mine Çayıroğlunun canlandırdığı Tülin obrazının mühafizəkar müsəlman ailəni qonaq edərkən süfrəyə donuz əti təqdim etməsi böyük narazılıq doğurmuşdu. Bu səhnə qısa müddətdə sosial mediada geniş tənqidlərə səbəb olmuşdu. Hətta bəzi iddialara görə, məhz bu səhnə serialın erkən final etməsində əsas rol oynayıb.
Musavat.com
