Demokrat.az portalından verilən məlumata görə, ain.az xəbər yayır.
Dietoloq Loren Manaker fermentləşdirilmiş içkilərin orqanizmə təsirini yoxlamaq üçün maraqlı eksperiment keçirib. O, bir həftə ərzində hər gün müntəzəm olaraq kefir qəbul edib. Avropa və Asiyada əsrlərdir istifadə olunan bu içki son illərdə tərkibindəki zəngin probiotiklər sayəsində sağlam qidalanma həvəskarları arasında yenidən populyarlaşıb.Dietoloq əlavə şəkər qəbulundan qaçmaq üçün rasionuna kefiri daxil edib. Manaker bildirir ki, bir həftəlik müddətdə həzm sistemində kəskin dəyişiklik hiss etməyib. Bunun əsas səbəbi onun gündəlik qidalanmasında onsuz da fermentləşdirilmiş məhsulların yer almasıdır. Eksperiment zamanı o, mədədə köp və ya sancı kimi narahatlıqlarla qarşılaşmayıb.Buna baxmayaraq dietoloq enerji səviyyəsinin stabilləşdiyini vurğulayıb. Kefirin tərkibindəki zülal və karbohidratlar gün ərzində işə fokuslanmağa kömək edən davamlı enerji artımı təmin edib.Bir stəkan azyağlı kefirdə təxminən 104 kalori, 9 q zülal, 316 mq kalsium və 2,5 mkq D vitamini var. Tərkibindəki faydalı bakteriyalar bağırsaq mikroflorasını qoruyur, immuniteti gücləndirir və qida maddələrinin daha yaxşı mənimsənilməsinə şərait yaradır. Müntəzəm istifadə sümüklərin sağlamlığına müsbət təsir edir, maddələr mübadiləsini yaxşılaşdırır və pis xolesterinin səviyyəsini aşağı salır.Faydalarına baxmayaraq qatıq hər kəs üçün uyğun deyil. Süd məhsullarına allergiyası olanlar bu içkidən uzaq durmalıdırlar. Həmçinin immunitet sistemi zəif olan şəxslər, məsələn, kimyaterapiya keçənlər üçün canlı mikroorqanizmlərin qəbulu riskli ola bilər. Loren Manakerin qənaətinə görə əksər insanlar üçün hər gün bir stəkan kefir içmək bağırsaq sağlamlığını və immun sistemini dəstəkləməyin ən sadə yoludur.İsmayıl
Demokrat.az
Hadisənin gedişatını izləmək üçün ain.az saytında ən son yeniliklərə baxın.
