ain.az, Redaktor.az portalına istinadən məlumatı açıqlayır.
Başqasının dəsmalından istifadə vərdişi müxtəlif infeksiyalara səbəb ola bilər.
Redaktor.az xəbər verir ki, bu barədə terapevt Aleksandr Kozlov lenta.ru-ya verdiyi açıqlamada xəbərdarlıq edib.
"Hər dəfə üzümüzü və ya bədənimizi siləndə dəsmalda epitel hüceyrələri, tərlik, dəri yağı və öz mikrofloramız qalır. Əgər eyni dəsmaldan bir neçə nəfər istifadə edirsə, mikroorqanizmlərin aktiv mübadiləsi baş verir və bu, hər zaman təhlükəsiz olmur", - deyə həkim qeyd edib.
Kozlovun sözlərinə görə, başqasının dəsmalından istifadə edənlər ən çox göbələk infeksiyaları ilə qarşılaşa bilər. Bunlar ayaq və dırnaq mikozlarıdır — onların sporları aylarla toxumada qala bilər. Həmçinin, dəridə kiçik zədələr varsa, lişeyə yoluxma riski də var. Nəm mühitdə viruslar, xüsusilə İnsan Papilloma Virusları (İPV), də qala bilər. Bundan əlavə, dəsmallarda bakteriyalar, məsələn, qızılı stafilokokk qalır. Bu bakteriya həm yüngül dəri iltihablarına, həm də daha ciddi proseslərə — furunkullara səbəb ola bilər. Ümumi dəsmal vasitəsilə həmçinin piodermiya — qovuqcuqlu dəri infeksiyaları da ötürülə bilər və bu, ailə üzvləri arasında yayılmaq ehtimalı yüksəkdir.
Terapevt əlavə edib ki, üz üçün ümumi dəsmaldan istifadə bakterial konjonktivit riskini xeyli artırır, çünki göz selikli qişası infeksiyalara xüsusilə həssasdır.
Aytəkin TOFİQQIZI
Daha ətraflı məlumat və yeniliklər üçün ain.az saytını izləyin.
