Özbəkistan lideri Şavkat Mirziyoyevin qızı Səidə Mirziyoyeva ABŞ-ın Florida ştatında yerləşən Mar-a-Lago iqamətgahını ziyarət edib və ABŞ prezidentinin Cənubi və Orta Asiya üzrə elçisi Serjio Qor ilə görüşüb.
Doğru.az xəbər verir ki, o, bu barədə Telegram hesabında paylaşım edərək “mənalı və konstruktiv dialoq üçün fürsəti yüksək qiymətləndirirəm və Vaşinqtonda məhsuldar görüşlər gözləyirəm” sözlərini qeyd edib.
Xatırladaq ki, 2025-ci ilin payızında ABŞ Prezidenti Donald Tramp Özbəkistanın növbəti üç il ərzində Amerika iqtisadiyyatına təxminən 35 milyard dollar sərmayə qoyacağını açıqlamışdı.
DOĞRU.AZ
