Rəsmi Tehran Türkiyə və Azərbaycanla İran ərazisindən həmin ölkələrə raket və PUA atılması barədə xəbərlərdən sonra yaranan anlaşılmazlığı həll edib.
"Yeni Sabah" IRNA-ya istinadla xəbər verir ki, bunu İran Xarici İşlər Nazirliyinin sözçüsü İsmayıl Bəqai bildirib.
Onun sözlərinə görə, Azərbaycana heç bir PUA atılmayıb: "Düşünürəm ki, iki prezident və xarici işlər nazirləri arasında danışıqlar bu anlaşılmazlığı həll edib".
Bəqai Türkiyə ilə oxşar hadisələrin də həll olunduğunu bildirib:
"Türkiyə açıq şəkildə tərəfimizdən heç bir atış qeydə almadığını bildirib, ona görə də düşünürəm ki, iki ölkə arasında anlaşma əldə edilib və bütün mövcud məsələlər danışıqlar yolu ilə həll edilib".
Xatırlatma: martın 5-də Naxçıvanda hava limanına PUA hücumu baş verib və 4 nəfər yaralanıb. Azərbaycan Prezidenti İlham Əliyev və İran Prezidenti Məsud Pezeşkian arasında danışıqlardan sonra Azərbaycan xarici işlər naziri Ceyhun Bayramov bildirib ki, Bakı Tehranın hadisəni araşdıracağını gözləyir.
ABŞ və İsrailin İrana qarşı 28 fevralda başlayan hərbi əməliyyatından bəri Türkiyə səmasında bir neçə İran raketi ələ keçirilib.
Tehran hər iki ölkəyə raket və ya dron atmaqda hər hansı bir iştirakını rədd edir.
Telegram kanalımız
