Birləşmiş Ərəb Əmirliklərinin (BƏƏ) Müdafiə Nazirliyi İrandan gələn 12 ballistik raket, 2 qanadlı raket və 19 pilotsuz uçuş aparatının (PUA) hava hücumundan müdafiə sistemləri tərəfindən uğurla zərərsizləşdirildiyini açıqladı.
Hafta.az yazır ki, rəsmi açıqlamada son hava hücumu nəticəsində müxtəlif dərəcəli xəsarət alan 4 nəfərin müalicəsinin başlandığı açıqlanıb.
İran hücumlarının başlanğıcından bəri yaralananların ümumi sayı 221-ə çatıb. Qeyd edilib ki, yaralananlar arasında BƏƏ, Türkiyə, Misir, Sudan, Pakistan və Hindistan da daxil olmaqla 31 fərqli ölkədən olan vətəndaşlar var.
BƏƏ-nin hava hücumundan müdafiə sistemləri gərginliyin başlanğıcından bəri toplam 519 ballistik raket, 26 qanadlı raket və 2210 PUA ilə mübarizə aparıb. Nazirliyin məlumatlarına görə, son bir neçə saat ərzində yeni itki qeydə alınmasa da, böhranın başlanğıcından bəri bir Mərakeş mülki podratçısı da daxil olmaqla müxtəlif xalqlardan olan 10 mülki şəxs həlak olub.
BƏƏ Müdafiə Nazirliyi suverenliyini və milli təhlükəsizliyini qorumaq üçün hər hansı bir təhdidə qarşı çıxmağa hazır olduğunu vurğulayıb. Bəyanatda ölkənin sabitliyi pozmaq cəhdlərinə qətiyyətlə qarşı çıxmaq üçün tam gücü təsdiqlənib.
