Bizimyol saytından verilən məlumata əsasən, ain.az məlumatı açıqlayır.
Hayfa şəhərinin meri Yona Yahav İrandan həyata keçirilən raket hücumundan sonra İsrailin baş naziri Binyamin Netanyahuya müraciət edib. Hücum nəticəsində ölənlərin olduğu bildirilir.
Bizimyol.info xəbər verir ki, bu barədə hökumət başçısı xalqa videomüraciətində məlumat verib.
“Az öncə Hayfa meri Yona Yahav ilə danışdım və Hayfada dörd nəfərin həlak olması ilə bağlı dərin hüznlə başsağlığı verdim. Yona Yahav bir sıra müraciətlərlə çıxış etdi və mən dərhal aparat rəhbərimə həm həlak olanların ailələrinə, həm də bələdiyyəyə maksimum dəstək göstərilməsi barədə göstəriş verdim”, – deyə Netanyahu bildirib.
Baş nazirin sözlərinə görə, söhbət zamanı əhalinin riayət etməli olduğu əsas qayda da müzakirə olunub.
“Arxa cəbhə komandanlığının göstərişlərinə əməl edən və qorunan məkanlarda olan şəxslər praktiki olaraq zərər görmək riskinə məruz qalmır”, – deyə Netanyahu vurğulayıb.
İsrail hökumətinin başçısı bütün vətəndaşlara, xüsusilə ölkənin şimal bölgəsinin sakinlərinə müraciət edib. Netanyahu onların üzləşdiyi çətinlikləri başa düşdüyünü bildirib.
“Əlimizdən gələni edəcəyik ki, sizə kömək edək və sizdən arxa cəbhə komandanlığının göstərişlərinə əməl etməyi xahiş edirəm”, – deyə o əlavə edib.
Ölkə mətbuatının verdiyi məlumata görə, aprelin 6-da günorta saatlarında Hayfada İrandan edilən hücum nəticəsində binanın uçması yerində aparılan axtarış-xilasetmə əməliyyatının mərhələlərindən biri başa çatıb. Fövqəladə xidmətlər itkin düşmüş hesab edilən dörd nəfərin meyitini taparaq dağıntılar altından çıxarıb.
Axtarış-xilasetmə xidmətinin zabiti bildirib ki, Hayfadakı əməliyyat mövcud müharibə dövründə ən çətin əməliyyatlardan biri olub. Axtarışları sürətləndirmək üçün xilasedicilər dağıntılar altında tunellər açaraq insanların ehtimal olunan yerləşdiyi nöqtələrə çatmağa nail olublar.
Bizimyol.info
Hadisənin gedişatını izləmək üçün ain.az saytında ən son yeniliklərə baxın.
