Tramp İran sivilizasiyasının “ölümünü” anons edib.
İnterpress.az xəbər verir ki, bu barədə “Truth Social” məlumat yayıb.
ABŞ prezidenti Donald Tramp özünün “Truth Social” sosial şəbəkəsində İranla bağlı şok bir bəyanatla çıxış edib. O, İran sivilizasiyasının bu gecə sona çatacağını və bir daha bərpa olunmayacağını iddia edib.
“Bütün bir sivilizasiya bu gecə öləcək və heç vaxt bərpa olunmayacaq. Mən bunun baş verməsini istəmirəm, lakin ehtimal ki, belə olacaq. Ancaq indi bizdə daha ağıllı və daha az radikallaşmış ağılların üstünlük təşkil etdiyi Tam və Mütləq Rejim Dəyişikliyi olduğuna görə, bəlkə də inqilabi dərəcədə təəccüblü bir şey baş verəcək, KİM BİLİR? Biz bunu bu gecə, dünyanın uzun və mürəkkəb tarixinin ən vacib anlarından birində biləcəyik. 47 illik şantaj, korrupsiya və ölüm nəhayət bitəcək. Qoy Allah böyük İran xalqına xeyir-dua versin!”, – deyə Tramp yazıb.
Xuraman Etibarlı
İnterpress.az
