Fransa Prezidenti Emmanuel Makron ABŞ və İran arasında əldə olunmuş müvəqqəti atəşkəsi alqışlasa da, Livanın bu prosesdən kənarda qalmasının bölgə üçün "saatlı bomba" olduğunu bəyan edib.
Musavat.com xəbər verir ki, bu gün — 8 aprel 2026-cı il tarixində müdafiə məsələlərinə dair keçirdiyi müşavirədə çıxış edən Makron, Livanın təhlükəsizliyi təmin olunmadan Yaxın Şərqdə real sülhün qeyri-mümkün olduğunu vurğulayıb. Makron atəşkəsi müsbət addım adlandırsa da, İsrailin Livanın cənubuna endirdiyi zərbələrin regional gərginliyi daha da alovlandırdığını bildirib.
O, istənilən genişmiqyaslı nizamlanma prosesinə mütləq Livanın da daxil edilməsini tələb edərək, sərhəd boyu davam edən qeyri-sabitliyin bütün Aralıq dənizi hövzəsi üçün risk yaratdığını qeyd edib.
Fransa lideri xatırladıb ki, "Hizbullah" və İsrail arasındakı qarşıdurma dayandırılmasa, ABŞ-İran atəşkəsi sadəcə "müvəqqəti nəfəslik" olaraq qalacaq.
Makronun bu bəyanatı İsrailin "atəşkəs Livana şamil edilmir" mövqeyinə birbaşa diplomatik etiraz kimi qiymətləndirilir. Hazırda Paris Livan ordusuna dəstək və sərhəddə bufer zonasının yaradılması üçün beynəlxalq koalisiya formalaşdırmağa çalışır.
Musavat.com
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
