ain.az, Cebheinfo saytına istinadən bildirir.
Milli Məclisdə Cinayət və Cinayət-Prosessual Məcəllələrinə edilən dəyişiklik layihəsinin ikinci oxunuşu keçiriləcək.
"Cebheinfo.az" xəbər verir ki, layihəyə əsasən, Cinayət Məcəlləsində “kompüter sistemi” ifadəsi “İKT sistemi”, “kompüter məlumatları” isə “elektron verilənlər” terminləri ilə əvəz ediləcək. Həmçinin “trafik verilənləri”, “abunəçi məlumatları”, “məzmum verilənləri” və “xidmət provayderi” kimi yeni anlayışlar qanunvericiliyə əlavə olunur.
Cinayət-Prosessual Məcəlləyə edilən əlavələr elektron sübutların toplanması, mühafizəsi və prosessual rəsmiləşdirilməsi qaydalarını tam hüquqi çərçivəyə salır. Məhkəmə və prokurorluq arasındakı sənəd dövriyyəsi isə “Elektron məhkəmə” və “Elektron prokurorluq” sistemləri vasitəsilə gücləndirilmiş elektron imza ilə həyata keçiriləcək.
Layihə həmçinin “Məhkəməyədək icraatın elektron qaydada aparılması” və “Məhkəmə icraatının elektron qaydada aparılması” kimi yeni maddələri də əhatə edir.
İkinci oxunuşun keçirilməsi ilə dəyişikliklərin qanunvericilikdə rəsmiləşməsi gözlənilir.
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
