Şimali Atlantika Alyansı Hörmüz boğazından sərbəst naviqasiyanı təmin etmək üçün dəstək verə bilər. Bu barədə NATO-nun baş katibi Mark Rutte Vaşinqtonda Ronald Reyqan Fondu İnstitutunda çıxış edərkən bildirib.
O qeyd edib ki, "34 ölkənin koalisiyası" artıq Hörmüz boğazından sərbəst keçidi təmin etmək üçün tədbirlər görmək imkanlarını müzakirə edir. "Düşünürəm ki, bu, ilk addımdır. NATO kömək edə bilsə, mütləq edəcək. Yardım göstərməmək üçün heç bir səbəb yoxdur. Faydalı olarsa, mütləq edəcəyik", - Rutte deyib.
"Amma düşünürəm ki, bunu addım-addım etməliyik. Çünki NATO-da bu, bütün müttəfiqlər arasında razılaşmalar tələb edir", - deyə alyansın baş katibi əlavə edib. "Amma yenə də, əgər NATO müəyyən rol oynaya bilsə, bu, gözəl olardı", - deyə o vurğulayıb.
7 apreldə ABŞ prezidenti Donald Tramp İranla iki həftəlik qarşılıqlı atəşkəs elan etdi. O, iki tərəfin demək olar ki, bütün mübahisəli məsələləri həll etdiyini və Vaşinqtonun Tehranın 10 maddəlik təkliflərini gələcək danışıqlar üçün "işçi əsas" kimi gördüyünü bildirdi. ABŞ baş naziri qərarın İranın Hörmüz boğazını açmaq istəyinə əsasən verildiyini bildirdi. Tehran da öz növbəsində İslam Respublikasına hücum edilmədiyi təqdirdə "müdafiə hücumlarını" dayandırmağa razı oldu. İki tərəf arasında vasitəçi olan Pakistanın Baş naziri Şahbaz Şərif onları 10 apreldə danışıqlara dəvət etdi.
