ain.az, Ayna portalına istinadən məlumat verir.
SEPAH hücumlarda hər hansı bir iştirakını qəti şəkildə rədd edib
Küveyt və Səudiyyə Ərəbistanı müvəqqəti atəşkəsə baxmayaraq, İranı və müttəfiqlərini ərazilərinə hücumlar həyata keçirməkdə ittiham ediblər.
AYNA.AZ xarici mediaya istinadən bildirir ki, Küveyt Xarici İşlər Nazirliyi cümə axşamı axşamı dron hücumlarının "bəzi həyati əhəmiyyətli Küveyt obyektlərini hədəf aldığını" bildirib. Səudiyyə Ərəbistanının dövlət xəbər agentliyi isə anonim mənbəyə istinadən bildirib ki, hücumlar zamanı krallığın yanacaq-enerji kompleksindəki bir neçə obyektə də ziyan dəyib.
"Xüsusilə, həyati əhəmiyyətli Şərq-Qərb boru kəmərindəki (qapalı Hörmüz boğazından istifadə etmədən neft ixracına imkan verən) nasos stansiyalarına hücum edilib və nəticədə bu dövrdə qlobal bazarlara əsas təchizat yolu olan boru kəməri vasitəsilə vurulan gündəlik təxminən 700.000 barel tutum itirilib".
Bəyanatda deyilir ki, hücum həmçinin Manifa neft emalı zavoduna da dəyib və onun istehsal gücünü gündə təxminən 300.000 barel azaldıb.
Bu arada, İran İslam İnqilabı Keşikçiləri Korpusu (SEPAH) hücumlarda hər hansı bir iştirakını qəti şəkildə rədd edib.
SPAH-dan “Press” TV-yə verilən məlumata görə, "İran İslam Respublikasının Silahlı Qüvvələri atəşkəs saatlarında heç bir ölkəyə raket atmayıb".
Sonrakı hadisələr barədə daha çox məlumat almaq üçün ain.az saytını izləyin.
