Ajans.az xarici mediaya istinadən xəbər verir ki, bu addım İsrail tərəfinin sərt reaksiyasından sonra atılıb. İsrail Baş Nazirinin Ofisi nazirin açıqlamasını “qəzəbli” kimi qiymətləndirib. Ofisin sosial media hesabında yayılan açıqlamada qeyd olunub ki, “bu cür bəyanat heç bir hökumət, xüsusilə də sülhün təminində neytral rol oynadığını iddia edən bir hökumət tərəfindən qəbul edilə bilməz”. Bildirilir ki, X platformasında yayımlanan paylaşımında Xavaca Asif İsraili Yaxın Şərqdə mülki şəxslərin öldürülməsində ittiham edib.
Nazir paylaşımında, “Əvvəlcə Qəzza, sonra İran və indi də Livan — qan tökülməsi fasiləsiz davam edir” ifadələrini işlədib.
