ain.az bildirir, Bizimyol saytına əsaslanaraq.
Portuqaliya Rusiya tərəfindən Ukraynaya qarşı həyata keçirilmiş təcavüz cinayətini araşdırmaq üçün Xüsusi tribunalın yaradılmasına dair sazişə qoşulmağa hazır olan 15-ci ölkə olacaq.
Bizimyol.info xəbər verir ki, bunu Ukrayna Xarici İşlər naziri Andrey Sibiga deyib.
Saziş, tribunalın fəaliyyətinə hüquqi əsas yaratmaq üçün nəzərdə tutulmuş Genişləndirilmiş qismən razılaşmadır. Ukrayna tərəfinin məlumatına görə, tribunal mexanizmini işə salmaq üçün minimal iştirakçı sayına çatmaq üçün daha bir ölkənin qoşulması kifayətdir.
Sibiga qeyd edib ki, Ukrayna sazişi hüquqi cəhətdən növbəti ay Kişinovda keçiriləcək Avropa Şurası Nazirlər Komitəsinin iclasında təsdiqləməyi planlaşdırır.
O, təşəbbüsü dəstəkləyən ölkələrə təşəkkür edib. Siyahıda Xorvatiya, Estoniya, Almaniya, Latviya, Litva, Lüksemburq, Moldova, Niderland, Norveç, Sloveniya, İspaniya, İsveç, Böyük Britaniya və Kosta-Rika var.
Nazir digər ölkələri də təşəbbüsə qoşulmağa çağırıb və bunun beynəlxalq hüquq prinsiplərinin qorunması və təcavüz cinayətinə görə məsuliyyətin təmin olunması baxımından vacib olduğunu vurğulayıb.
Əvvəllər bildirildiyi kimi, yanvar ayında Avropa Şurası, Avropa Komissiyası və Avropa Xarici Əlaqələr Xidməti Xüsusi tribunalın hazırlanması ilə məşğul olacaq qrupun yaradılmasına dair saziş imzalayıb. Avropa İttifaqı tribunalın formalaşdırılması üçün ilkin 10 milyon avro vəsait ayırıb.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
