Hörmüz boğazında gərginlik daha da artır.
Musavat.com xəbər verir ki, İranın SEPAH-a bağlı hərbi-dəniz qüvvələri boğazdan hərbi gəmilərin keçidi ilə bağlı sərt xəbərdarlıq edib.
Açıqlamada bildirilir ki, hərbi gəmilərin Hörmüzdən keçməyə istənilən cəhdi “sərt və qətiyyətli şəkildə” qarşısı alınacaq. SEPAH qüvvələrinin boğazdakı vəziyyətə tam nəzarət etdiyi vurğulanır.
Eyni zamanda qeyd olunur ki, keçid yalnız mülki gəmilər üçün mümkündür və bu da xüsusi qaydalar çərçivəsində həyata keçirilir.
Bəyanatda ABŞ hərbi gəmilərinin boğazdan keçməsi ilə bağlı yayılan məlumatlar da təkzib edilib və onların həqiqəti əks etdirmədiyi bildirilib.
Musavat.com
