"Real"ın hücumçusu Kilian Mbappe yenidən diqqət mərkəzinə düşüb.
Publika.az xəbər verir ki, o, bu dəfə şəxsi həyatı ilə gündəmə gəlib. Fransız futbolçu Madrid təmsilçisinin çempionluq şanslarına ciddi şəkildə zərbə vurduğu "Jirona" ilə heç-heçəsindən sonra (1:1) şəhər restoranlarından birində aktrisa Ester Eksposito ilə birlikdə görüntülənib.
Bu, cütlüyün ilk dəfə birlikdə görünməsi deyil. Daha əvvəl onlar şəhər gəzintisi zamanı da birlikdə müşahidə olunmuşdular, indi isə çətin keçən oyundan sonra şam yeməyində bir araya gəliblər.
Mənbələrin məlumatına görə, şam yeməyi rahat atmosferdə keçib və cütlüyə dostları da qoşulub. Şahidlər Mbappe ilə Eksposito arasında səmimi və yaxın ünsiyyəti qeyd ediblər. Gülümsəmələr, diqqət jestləri və hətta öpüşlər də olub.
Karyerasında çətin dövr və artan tənqidlər fonunda görünür ki, futbolçu məhz aktrisanın yanında emosional dəstək tapır və təzyiqdən bir qədər uzaqlaşa bilir.
