Aprelin 18-də Tacikistanın Paytaxt Günü şərəfinə Düşənbədə 15-ci Beynəlxalq Yarım Marafon keçiriləcək. Tədbirdə Tacikistanla yanaşı, bir sıra xarici ölkələrdən də idmançılar iştirak edəcəklər.
Hafta.az yazır ki, Düşənbə Gənclər və İdman İdarəsinin məlumatına görə, 21975 metrlik yarış Novruzgoh yaxınlığındakı magistral yolda başlayacaq və başa çatacaq. Başlama saat 9:00-a planlaşdırılıb.
Düşənbə Şəhər İcra Hakimiyyəti qaliblərə öz hesabına pul mükafatları və suvenirlər təqdim edəcək. Mükafatlar birinci-altıncı yerləri tutan xarici iştirakçılara, eləcə də kişilər və qadınlar arasında birinci-üçüncü yerləri tutan ən yaxşı yerli idmançılara veriləcək.
Kişi və qadın xarici vətəndaşlar arasında birinci yerdən altıncı yerə qədər olan iştirakçılar aşağıdakı mükafatları alacaqlar:
1-ci yer – 33250 somoni (5936 manat)
2-ci yer – 28500 somoni (5088 manat)
3-cü yer – 23750 somoni (4240 manat)
4-cü yer – 14250 somoni (2544 manat)
5-ci yer – 12350 somoni (2205 manat)
6-cı yer – 9500 somoni (1700 manat)
Kişi və qadınlar arasında ən yaxşı nəticələr göstərən yerli idmançılara ayrıca mükafatlar veriləcək:
1-ci yer – 7700 somoni (1375 manat)
2-ci yer – 5500 somoni (982 manat)
3-cü yer – 3300 somoni (590 manat)
Atletikanın populyarlaşdırılması, iştirakının artırılması və peşəkar idmançıların yetişdirilməsi məqsədilə Hafiz Şerozi prospekti boyunca yarımmarafondan sonra 5 km-lik həvəskar yarışı keçiriləcək. Həvəskar yarışında birinci yerdən üçüncü yerə qədər olan qaliblərə medal və diplomlar veriləcək.
2014-cü ildən bəri Düşənbə Yarımarafonu rəsmi olaraq Beynəlxalq Marafonlar və Məsafə Yarışları Assosiasiyasının (AIMS) təqviminə daxil edilib və qlobal qaçış hərəkatının bir hissəsinə çevrilib.
Yarımarafon tarixində Tacikistan idmançıları üçün ən yaxşı nəticələr qadınlar arasında ikinci, kişilər arasında isə dördüncü yer olub.
