Məşqdən əvvəl qəbul edilən bəzi əlavələr gözlənilən gücü deyil, əksinə titrəmə və narahatlıq yarada bilər. Mütəxəssislər bildirirlər ki, real enerji sabit, fokuslanmış və davamlı olmalıdır, kəskin yüksəliş və enişlərlə müşayiət olunmamalıdır.
Xüsusilə isti hava şəraitində məşq edənlər, gərgin qrafiklə yaşayanlar və hormonal dəyişiklikləri nəzərə alan şəxslər üçün düzgün yanaşma daha da əhəmiyyətlidir.
Mütəxəssislər məşq zamanı enerjini artırmaq və sonradan yaranan yorğunluğun qarşısını almaq üçün səkkiz əsas üsulu tövsiyə edir:
İlk növbədə, keyfiyyətli yuxu əsas faktor hesab olunur. Bildirilir ki, effektiv məşq əslində bir gün əvvəl başlayır və düzgün yuxu rejimi nəticələrə birbaşa təsir göstərir.
Bununla yanaşı, orqanizmin kifayət qədər maye və elektrolitlə təmin olunması vacibdir. Təkcə su içmək hər zaman yetərli olmur, elektrolitlər əzələlərin və sinir sisteminin düzgün işləməsinə kömək edir.
Məşqdən 60–90 dəqiqə əvvəl yüngül karbohidrat qəbulu da tövsiyə olunur. Meyvə, yoqurt və ya tost kimi qidalar güc və dözümlülüyü artırır.
Təbii vasitələr arasında çuğundur xüsusi qeyd olunur. Onun tərkibindəki maddələr qan dövranını və oksigen daşınmasını yaxşılaşdıraraq performansa müsbət təsir edir.
Bundan əlavə, kreatinin gündəlik 3–5 qram qəbulu həm əzələ enerjisini, həm də zehni fokuslanmanı dəstəkləyə bilər.
Yüksək intensivlikli məşqlər üçün isə beta-alanin effektiv hesab olunur. Bu maddə əzələ yorğunluğunu azaldır və məşqin davamlılığını artırır.
Mütəxəssislər həmçinin düzgün isinmə hərəkətlərinin əhəmiyyətini vurğulayır. Qısa müddətli, lakin məqsədyönlü isinmə koordinasiya və gücü artırır.
Kofeinə gəldikdə isə, onun aşağı dozada qəbulu tövsiyə olunur. Həssas şəxslərə isə ümumiyyətlə stimulyatorsuz alternativlər seçmək məsləhət görülür.
Sonda qeyd olunur ki, məşq zamanı sabit enerji təsadüfi deyil, sistemli yanaşmanın nəticəsidir. Yuxu, qidalanma, su qəbulu və düzgün əlavələrin kombinasiyası daha davamlı və effektiv nəticə verir.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
