Ümumdünya Səhiyyə Təşkilatı (ÜST) hazırda 23 ölkədə aşkar edilmiş yüksək mutasiyaya uğramış COVID-19 ştammı ilə bağlı vəziyyəti izləyir.
Rəsmi olaraq BA.3.2 adlandırılan "Sikada" ştammının halları artıq ABŞ, Honkonq, Mozambik və Birləşmiş Krallıqda qeydə alınıb.
Bu ştammın digərlərindən daha təhlükəli olduğuna inanmaq üçün heç bir səbəb olmasa da, mütəxəssislər qeyd edirlər ki, uşaqlar böyüklərdən daha çox ona qarşı həssas görünürlər.
BA.3.2 ştammı kəşf edildikdən sonra dünyanın bəzi yerlərində uzun müddət torpaqda yatması ilə tanınan həşərata bənzər şəkildə hərəkətsiz qaldığına görə "Sikada" adlandırılıb.
Keçən ay ABŞ hökumət agentliyi olan Xəstəliklərə Nəzarət və Profilaktika Mərkəzləri (CDC) 25 ştatda yoluxma halları barədə məlumat verib.
Hesabatda bildirilir ki, BA.3.2 ştammı dörd səyahətçinin burun yaxmalarında, beş xəstənin klinik nümunələrində və 132 çirkab su nümunəsində aşkar edilib.
ÜST də bu ştammı "nəzarət" kateqoriyasına daxil edib və bunun "artıq diqqət tələb edə biləcəyi" anlamına gəldiyini bildirir . Mütəxəssislər hazırda onun qlobal sağlamlığa təhlükə yaradıb-yaratmadığını müəyyən edirlər.
Rizvan CƏFƏROV,
“Azərbaycan”
