Aİ ölkələri Macarıstanda parlament seçkilərində qalib gələn müxalifət "Tisza" partiyasının lideri Peter Madyarın Ukraynaya 90 milyard avroluq krediti təsdiqləyəcəyini və Rusiyaya qarşı son sanksiyalar mərhələsinə vetonu aradan qaldıracağını gözləyir.
“İki sahil” xəbər verir ki, bu barədə Financial Times (FT) Avropa diplomatlarına istinadla məlumat yayıb.
Nəşrin mənbələrindən biri qeyd edib ki, Madyarın partiyasının böyük qələbəsi Aİ siyasətçilərinin "gözləntilərini aşıb". "Tisza" partiyası səslərin 50%-dən çoxunu və Milli Assambleyada 199 yerdən 138-ni qazanıb. Nəşrin mənbələri qeyd edib ki, Peter Madyar Macarıstan Baş nazirinin andiçmə mərasimindən əvvəl Brüsselə səfər edə bilər.
Bundan əlavə, Aİ Madyar ilə Aİ fondlarının təxminən 35 milyard avroluq hissəsinin dondurulmasının aradan qaldırılmasını müzakirə etməyi planlaşdırır. Bu vəsait Macarıstan üçün nəzərdə tutulmuşdu.
