İntellekti müxtəlif yollarla ölçmək mümkündür, lakin astroloqlar hesab edirlər ki, ulduzların da bu məsələdə böyük rolu var. Kişilər arasında ən ağıllı bürclərin yeni reytinqi açıqlanıb və siyahının lideri bir çoxları üçün gözlənilməz olub.
Astroloji təhlillərə əsasən, birinci yeri Dolça bürcü altında doğulan kişilər tutur. Onları tez-tez novatorlar, strateqlər və gələcəyin mütəfəkkirləri adlandırırlar. Bu bürcün nümayəndələri standartdan kənar düşüncə tərzi və başqalarının yalnız problem gördüyü yerdə perspektiv tapmaq bacarığı ilə fərqlənirlər. Astroloqlar qeyd edirlər ki, Dolçalar səthi biliklərlə kifayətlənmir, məsələnin mahiyyətinə varmağa çalışırlar. Məhz məntiqlə yaradıcılığın vəhdəti onları intellektual liderə çevirir.
Reytinqin ikinci pilləsində Əqrəb bürcünün kişiləri qərarlaşıb. Onların zəkası daha gizli və strateji xarakter daşıyır. Əqrəblər gedişləri bir neçə addım qabaqcadan hesablamağı bacarır, güclü intuisiya və stress altında çətin qərarlar vermək qabiliyyətinə malikdirlər. Üçüncü yerdə isə Əkizlər gəlir. Onların əsas üstünlüyü çevik düşüncə və mükəmməl ünsiyyət bacarığıdır. Əkizlər yeni məlumatları sürətlə mənimsəyir və geniş dünyagörüşü ilə seçilirlər.
Siyahıda həmçinin Oğlaq və Qız bürcləri də yer alıb. Oğlaqlar sistemli yanaşma və nizam-intizam sayəsində uzunmüddətli strategiyalar qurmaqda ustadırlar. Qızlar isə xırdalıqlara qarşı inanılmaz diqqəti və praktik zəkası ilə tanınırlar. Digər insanların gözündən qaçan nüansları məhz onlar dərhal hiss edirlər.
Astroloqlar vurğulayırlar ki, bu reytinqlər şərtidir və intellekt tərbiyə, təhsil və şəxsi təcrübə kimi bir çox amildən asılıdır. Lakin doğulan anda qoyulan xarakter xüsusiyyətlərinin məlumatı emal etmə formasına təsir etdiyini də inkar etmək olmaz. Yekun nəticədə lider Dolça olsa da, hər bir bürcün özünəməxsus güclü intellektual tərəfləri var. \\Demokrat.az
