ain.az, Axar.az saytından verilən məlumata əsaslanaraq xəbər yayır.
Almaniya kansleri Fridrix Merz İsrailin Baş naziri Benyamin Netanyahu ilə telefon danışığı aparıb və söhbət zamanı onu Livan hökuməti ilə birbaşa sülh müzakirəsinə başlamağa çağırıb.
Axar.az xəbər verir ki, bunu Almaniya Nazirlər Kabinetinin sözçüsü Ştefan Kornelius deyib.
"Almaniya hökuməti ABŞ və İran arasında diplomatik anlaşmaya nail olmaq səylərini qətiyyətlə dəstəkləyir. Kansler qeyd edib ki, hərbi əməliyyatlar bitdikdən sonra Almaniya lazımi ilkin şərtlər mövcud olduğu təqdirdə Hörmüz boğazında naviqasiya azadlığının təmin edilməsinə töhfə verməyə hazırdır.
Kansler həmçinin baş nazir Netanyahunu Livan hökuməti ilə birbaşa sülh danışıqlarına başlamağa çağırıb. O, Livanın cənubundakı döyüşlərin bitməsini istəyib və Hizbullahın silahı yerə qoymalı olduğunu vurğulayıb", - Kornelius bildirib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
