Türkiyədə liseyə girən silahlı şəxs ətrafa atəş açıb.
"TRT Haber"in xəbərinə görə, hadisə Şanlıurfa əyalətinin Siverek rayonunda baş verib.
Hadisə nəticəsində 16 nəfər yaralanıb.
Şanlıurfa valisi bildirib ki, hücumu törədən məktəbli özünü öldürüb.
Onun sözlərinə görə, yaralıların əksəriyyəti şagirdlərdir, bir müəllimin vəziyyəti ağırdır.
Belə ki, silahlı şəxs tüfənglə yeddi nəfəri yaralayıb. Silahlı şəxsin bir neçə şagirdi girov götürdüyü deyilir.
Hadisədən sonra əraziyə çoxsaylı tibb briqadası və xüsusi polis qüvvələri cəlb edilib.
