ain.az, Baku.ws saytından verilən məlumata əsaslanaraq xəbər yayır.
Aktrisa Nurgül Yeşilçay sosial şəbəkədə yeni video paylaşıb.
BAKU.WS xəbər verir ki, o instaqramda yayımladığı görüntülərdə İstanbuldakı yaşayışla bağlı narazlıqlarını dilə gətirib.
Aktrisa vurğulayıb ki, 3 səbəbə görə insanlar İstanbuldan qaçır.
Bunlar şəhərdəki ağır tıxac, restoranlarda və küçələrdə yerli əhaliyə və turistlərə təqdim olunan dadsız yeməklər və şəhər əhalisinin çox gərgin olmasıdır:
"İstanbuldan niyə qaçmalıyıq? Bunu sizə üç maddə ilə izah edəcəm. Birinci maddə: tıxacdır. Artıq şəhərdə hər dəqiqə tıxac var. Evdən avtomobillə çıxanda düşünürəm ki, onu harada park edəcəyəm. Əgər taksi ilə getsən, onsuz da taksi tapmaq olmur. "Avtobusla gedim" desən, onlar da çox vaxt dolu olur.
İkinci maddə: hamı çox gərgindir. Həqiqətən çox gərginlik var. Elə bil hamımızın bir az torpağa basdırmağa ehtiyacı var. Bilmirəm, sanki bizə elektrik verirlər? Hamımız çox gərginləşmişik. "Nə var, nə yox?" deyirsən, "Sənə nə?" deyir. "Necəsən?" deyirsən, "Niyə soruşursan?" deyirlər. Hər an hamı bir-biri ilə dalaşacaqmış kimi bir vəziyyət yaranıb.
Üçüncü maddə: hər şey çox dadsızdır. Ən lüks restorana da gedirsən, yenə də yeməklər dadsızdır. Küçədə nəsə yeyirsən, o da dadsızdır".
Sonrakı hadisələr barədə daha çox məlumat almaq üçün ain.az saytını izləyin.
