Çin Prezidenti Si Cinpin Yaxın Şərqdə sülhün qorunması üçün dörd təklif irəli sürüb.
Yeniavaz.com xəbər verir ki, bu barədə “Sinxua” agentliyi məlumat verib.
Çin lideri dinc yanaşı yaşama prinsipinə riayət etməyin və Körfəz ölkələri arasında münasibətlərin yaxşılaşdırılmasına, eləcə də regionda davamlı təhlükəsizlik arxitekturasının formalaşdırılmasına kömək etməyin vacibliyini bildirib.
O, ikinci təklif kimi regional dövlətlərin milli suverenliyinə, ərazi bütövlüyünə və təhlükəsizliyinə hörmət etməyin vacibliyini qeyd edib.