Quba şəhər stadionunda cırıq qapı toru sosial şəbəkələrdə gündəm olub.
Sportinfo.az xəbər verir ki, bu arenada ev oyunlarını keçirən “İmişli” problemi yeni torla əvəzləmək əvəzinə, cırılmış hissələri iplərlə bir-birinə bağlayaraq müvəqqəti həll yoluna əl atıb.
Komanda mövcud vəziyyətdən çıxış yolu kimi zədələnmiş hissələri birləşdirərək toru istifadəyə yararlı vəziyyətə gətirib.
Misli Premyer Liqasının 29-cu turunda “İmişli” - “Sumqayıt” qarşılaşması 25 aprel saat 16:00-da məhz bu stadionda keçiriləcək.
