Müəllif:Mehin Qasımova,Banco.az
Walt Disney-in yeni baş direktoru Coş D'Amaro şirkətin yenidənqurma planının bir hissəsi olaraq təxminən min işçinin işdən çıxarılacağını açıqlayıb.
Banco.az xəbər verir ki, işçilərinə göndərilən elektron poçtda D'Amaro sənayedəki sürətli dəyişikliklərə uyğunlaşmaq üçün daha çevik və texnologiyaya əsaslanan işçi qüvvəsi qurmağın vacibliyini bildirib.
İşdənçıxarmalar əsasən marketinq şöbəsinə təsir göstərəcək, lakin studiya və televiziya bölmələrini, ESPN-i, məhsul və texnologiya qruplarını və bəzi korporativ bölmələri də əhatə edəcək. Şirkət bu həftə təsirlənən işçilərə məlumat verməyə başlayıb.
Şirkətin sonuncu böyük ixtisar dalğası 2023-cü ildə baş verib. Həmin vaxt "Disney" 5,5 milyard dollar qənaət etmək məqsədi ilə 7 min nəfəri işdən çıxarıb.
