Rusiyanın xarici işlər naziri Sergey Lavrov bildirib ki, Rusiya Kubaya siyasi, iqtisadi və humanitar dəstək göstərməyə davam edəcək.
Nazir Pekində keçirilən mətbuat konfransında bildirib: “Əlbəttə ki, biz Kubaya, Çin Xalq Respublikasına dəstək veririk - siyasi, BMT-də və digər forumlarda, iqtisadi və humanitar. Şübhəsiz ki, biz bu cür yardımı göstərməyə davam edəcəyik". O, xatırladıb ki, Rusiya artıq 100.000 ton neft daşıyan ilk tankerini Kubaya göndərib.
Nazirin sözlərinə görə, ABŞ-ın Kuba ilə bağlı açıqlamalarının nəticələri barədə "təxmin etməyin" mənası yoxdur. O qeyd edib ki, "Vaşinqtondan çoxlu açıqlamalar eşitmişik və onların hamısı sonradan heç bir maddi forma almayıb". Xarici işlər naziri həmçinin ABŞ-a "hökuməti bəyənmədikləri" bütün hallarda dialoqa başlamağı tövsiyə edib.
2026-cı ilin əvvəlində ABŞ Kubaya neft tədarük edən bütün ölkələrə sanksiyalar tətbiq edəcəyinə söz verdi. Yanacaq təchizatı dayandırıldı və bu da adada enerji böhranına və elektrik kəsintilərinə səbəb oldu. ABŞ prezidenti Donald Tramp bildirib ki, İranla münaqişə həll edildikdən sonra ABŞ Kubaya "səfər edə" bilər.
P.ƏMİRCANOV
XQ
