İstanbulda Ayasofiya məscidində Bizans simvolu və üzərində "Pravoslavlıq və ya ölüm" yazısı olan bayraq açan yunanıstanlı turistlər saxlanılıb.
Musavat.com xəbər verir ki, insident məscidin yuxarı mərtəbədə baş verib və dərhal təhlükəsizlik kameralarına düşüb.
Qayda pozuntusuna yol verən şəxslər əvvəlcə məscidin mühafizə xidməti tərəfindən saxlanılıb, daha sonra isə polis əməkdaşlarına təhvil veriliblər.
Saxlanılan şəxslərə qarşı dini ədavətin qızışdırılması ittihamı irəli sürülüb. Hazırda hadisənin bütün təfərrüatları ilə bağlı araşdırmalar davam etdirilir.
Musavat.com
