Nazir vurğulayıb ki, milli maraqlara zərər verəcək addımlar yalnız statistik göstəriciləri yaxşılaşdırmaq naminə atılmayacaq.
Boçorişvili həmçinin qeyd edib ki, Avropa İttifaqının 2022-ci ilin iyununda Ukrayna və Moldovaya namizəd statusu verib, Gürcüstana verməməsi "ədalətsiz qərar" olub və bu addım ölkədə siyasi qütbləşməni artırıb. Onun fikrincə, həmin qərarı əsaslandıran nə geosiyasi, nə də praktik səbəblər mövcud idi.
Nazir Avropa Parlamentinin 2022-ci ildən bəri Gürcüstanla bağlı qəbul etdiyi qətnamələri də "qərəzli və ədalətsiz" adlandırıb. O əlavə edib ki, Aİ ilə siyasi dialoqun zəifləməsi də məntiqsizdir və tərəflər arasında nəzərdə tutulan əməkdaşlıq mexanizmləri faktiki olaraq dayanıb.
Boçorişvili bildirib ki, buna baxmayaraq, Gürcüstan beynəlxalq platformalar və ikitərəfli əlaqələr vasitəsilə milli maraqlarını qorumağa davam edir.
