Azərbaycan I Liqasına vəsiqə uğrunda pley-off oyununun tarixi müəyyənləşib.
"Report" xəbər verir ki, bu barədə Peşəkar Futbol Liqası məlumat yayıb.
I Liqada 9-cu yerin sahibi ilə II Liqada 2-ci yerin sahibi mayın 27-də üz-üzə gələcək.
Bundan əlavə, II Liqaya vəsiqə uğrunda pley-off matçlarının da tarixi dəqiqləşib. II Liqada 11-ci yeri sahibi AFFA Region Liqasında 2-ci yerin sahibi ilə mayın 29-da qarşılaşacaq.
II Liqada 10-cu yerin sahibi Region Liqasında 3-cü yeri tutan komanda ilə eyni gündə münasibətlərə aydınlıq gətirəcək.
Qarşılaşmalar neytral meydanda baş tutacaq.
