Manuel Lokatelli “Yuventus”la yeni müqavilə imzaladı

Futbol üzrə İtaliya millisinin və “Yuventus”un yarımmüdafiəçisi Manuel Lokatelli Turin klubu ilə yeni müqaviləyə imza atıb.

Arena.az xəbər verir ki, bu barədə Turin təmsilçisinin rəsmi saytı məlumat yayıb.

İtaliya millisinin üzvü ilə 2030-cu ilin yayına kimi nəzərdə tutulmuş yeni sözləşmə imzalanıb. Tərəflər arasındakı əvvəlki müqavilənin müddəti 2028-ci ilin 30 iyununda bitəcəkdi.

Xatırladaq ki, “Yuventus” Lokatellini 2023-cü ilin iyulunda 36,4 milyon avro qarşılığında “Sassuolo”dan transfer edib.

Cari mövsümdə Lokatelli “Yuventus”un heyətində 41 oyuna çıxıb, 3 qol və 2 məhsuldar ötürmə ilə fərqlənib. Lokatellinin “qoca sinyoranın” heyətində ümumi statistikası isə belərdir: 224 oyun, 9 qol, 17 məhsudlar ötürmə.

Lokatelli daha öncə “Sassuolo”dan başqa yetirməsi olduğu “Milan”ın da formasını geyinib.

Manuel Lokatelli 2020-ci ilin sentyabrında debüt etdiyi İtaliya yığmasının heyətində 36 oyuna 3 qol, 2 məhsuldar ötürmə ilə fərqlənib. Manuel “skuadra adzurra” ilə 2021-ci ildə keçirilmiş Avropa çempionatının (AÇ-2020) qalibi olub.

“Transfermarkt” internet-portalı 28 yaşlı Manuel Lokatellini 25 milyon avro məbləğində qiymətləndirir.